BNG: proceso de implantación territorial

+Galiza continúa o proceso de implantación territorial con actos en todo o País  Na presente circular queremos facer unha pequena recompilación dos actos que o noso partido celebrou neste tempo, do mesmo xeito que dar conta das xuntanzas e actividades futuras. Todo isto co dobre obxectivo do afortalamento organizativo e da construción do novo referente político-electoral para concorrer ás vindeiras eleccións nacionais galegas.  Logo da nosa constitución o día 11 de marzo como partido político, os órganos de dirección de Máis Galiza acordaron facer unha campaña de expansión e reforzamento organizativo para dar a coñer o noso proxecto. Neste sentido, ademais das xuntanzas comarcais e locais para escoller as respectivas direccións, a nosa organización está a impulsar actos de marcado carácter político abertos á cidadanía cunha notable afluencia de público. Do mesmo xeito, estamos a participar en todos os foros aos que somos convidados, con especial importancia aqueles referidos ao proceso de diálogo con outros colectivos nacionalistas e galeguistas de cara a concorrer conxuntamente ás vindeiras eleccións galegas.  Noia e Cambados O pasado 30 de marzo ás 20.30 horas, tivo lugar a presentación de Máis Galiza no novo edificio administrativo do Espírito Santo na localidade de Noia. No acto interviron a responsable comarcal, Lola Caramés, Manuel González, como membro da Executiva Nacional de Máis Galiza e Xoán Bascuas, Secretario Xeral. Ese mesmo día á noite tivo lugar unha cea de confraternidade en Cambados coa militancia do Salnés á que acudiron preto de 80 persoas. Tomou a palabra, doutra volta, Xoán Bascuas, acompañado do Secretario Comarcal Miguel Rei e coa presenza do Secretario Xeral da MNG, Paulo Carlos López.     Lugo e 20º aniversario de Esquerda Nacionalista O pasado día 17 de abril presentouse a nova dirección de Máis Galiza en Lugo, cun cento de persoas que ateigaron a sala. A ela acudiu Xoán Bascuas e Xosé Anxo Laxe, entre outros. Este último, responsable na comarca, afirmou que o proxecto político que está a nacer ten que facelo cun exercicio de "amnesia" para esquecer "rancores" e lograr "un magnífico resultado". Igualmente o sábado 14 tivo lugar o acto do 20º aniversario de Esquerda Nacionalista, onde Xosé Chorén afirmou que as siglas de EN quedarán "conxeladas" e a súa militancia actuará dentro de Máis Galiza.  Axenda para os próximos días Martes, 24 de abril. 18:30. Salón de Graos. Facultade de Ciencias Políticas. Mesa redonda do MEU: "Algo se move en Galiza", con Rafael Cuiña, Xoán Hermida e Martiño Nogueira. Mércores, 25 de abril. 20:00. Edificio de Ferro. Aula 2.4. Asemblea territorial de +G de Ourense. Xoves, 26 de abril. 20:00. Presentación pública de +G Vigo. Luns, 30 de abril. 20:30. Presentación da Agrupación local de +G de Outes. http://www.maisgaliza.org maisgaliza@maisgaliza.org Podes visitar o noso perfil en  Mocidade Nacionalista Galega www.mocidadenacionalistagalega.org/ info@mocidanacionalistagalega.org Facebook_da_MNG Tuenti_da_MNG